ევროკავშირმა პოლიტიკური ფარისევლობის თვალსაზრისით საქართველოსთან მიმართებით მსოფლიო რეკორდი დაამყარა. ამის შესახებ უნგრეთის საგარეო საქმეთა მინისტრმა, პიტერ სიიარტომ ევროკავშირის საგარეო საქმეთა მინისტერიალის შემდეგ გამართულ პრესკონფერენციაზე განაცხადა.
„საქართველოს საკითხში ევროკავშირმა დღეს პოლიტიკური თვალთმაქცობის მსოფლიო რეკორდი დაამყარა. ნათელია, რაზეა აქ საუბარი, ვინაიდან საქართველოში გამართულ საპარლამენტო არჩევნებში ვერ გაიმარჯვეს იმ ლიბერალურმა ძალებმა, რომლებსაც ბრიუსელი სასურველად მიიჩნევს, არამედ კონსერვატიულმა, მშვიდობის მომხრე, პატრიოტულმა პარტიამ, მათ საქართველოზე პოლიტიკური შეტევა წამოიწყეს“, – განაცხადა სიარტომ.
მან მინისტრმა ხაზი გაუსვა „ქართული ოცნების“ პირობებში საქართველოს პროგრესს. „ბრიუსელში არავის აქვს უფლება კითხვის ნიშნის ქვეშ დააყენოს ქართველი ხალხის ნება“, - თქვა მან.
მან ასევე ცალმხრივი უწოდა თბილისში საპროტესტო აქციის მონაწილეების მიმართ პოლიციის მხრიდან ძალადობის შესახებ ცნობებს. სიიარტოს თქმით, მას ქართველმა კოლეგამ უამბო, რომ დემონსტრანტებს შორის არიან ასევე აგრესიული ელემენტები, რომელთა ქმედებების გამო 40-მდე პოლიციელი დაშავდა.
შეგახსენებთ, უნგრეთმა სლოვაკეთთან ერთად ვეტო დაადო საქართველოს პოლიტიკური ლიდერების წინააღმდეგ სანქციებს.
