რუსთაველის გამზირზე საპროტესტო აქცია მიმდინარეობს. საავტომობილო გზა აქციის მონაწილეებმა უკვე გადაკეტეს.
ცოტა ხნის წინ აქციას მსვლელობით შეუერთდნენ ლიტერატურის სფეროს წარმომადგენლები, მათ შორის, მწერლები, რედაქტორები, გამომცემლები, წიგნის დიზაინერები, ბუკინისტები და პირები, რომელთაც ლიტერატურასთან აქვთ კავშირი.
მათი მოთხოვნაა, დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.
რუსთაველის გამზირზე საპროტესტო აქცია უკვე მე-19 დღეა, უწყვეტად მიმდინარეობს.
აქციის მონაწილეები ხელახალ არჩევნებს და დაკავებული მოქალაქეების გათავისუფლებას მოითხოვენ.
