შვედეთის საგარეო საქმეთა მინისტრ, მარია მალმერ სტენერგარდის განცხადებით, საქართველოში მიმდინარე მოვლენების გამო სანქციები უნდა დაუწესდეთ მათ, ვინც ასე ხისტად მოექცა აქციის მონაწილეებს.
ამის შესახებ მან ბრიუსელში ევროკავშირის საგარეო საქმეთა მინისტრების საბჭოს სხდომის დაწყებამდე განაცხადა.
„მე უკიდურესად შეშფოთებული ვარ საქართველოში მიმდინარე მოვლენებით. ჩვენ უნდა დავაწესოთ სანქციები მათ წინააღმდეგ, ვინც ასე ხისტად მოექცა აქციის მონაწილეებს“, – განაცხადა შვედეთის საგარეო საქმეთა მინისტრმა.
ევროკავშირის საგარეო საქმეთა მინისტრები დღეს ბრიუსელში საქართველოს საკითხზე იმსჯელებენ.
