გერმანიის საგარეო საქმეთა სამინისტრო ევროკავშირის დონეზე საქართველოს ხელისუფლების წინააღმდეგ სანქციების დაწესების შესაძლებლობას განიხილავს ისე, რომ ამას ხელი ვერ შეუშალოს ვეტოთი უნგრეთმა. იუწყება გამოცემა Spiegel .
საქართველოს ხელისუფლების წინააღმდეგ სანქციების საკითხი, როგორც ცნობილია, 16 დეკემბერს ევროკავშირის საგარეო საქმეთა მინისტრების შეხვედრაზე განიხილება, მაგრამ პროექტი მოითხოვს ერთსულოვნებას და შესაძლოა, ის უნგრეთმა დაბლოკოს.
გამოცემის წყაროები მიიჩნევენ, რომ ამ ვეტოს გვერდის ავლა შესაძლებელია „მსურველთა კოალიციის” შექმნით; კერძოდ, ამ შემთხვევაში საუბარი მიდის მხოლოდ ინდივიდუალურ სანქციებზე საქართველოს ხელისუფლების ცალკეული წარმომადგენლების მიმართ.
