პარლამენტმა მესამე მოსმენით მიიღო კანონი, რომლის მიხედვით, პრეზიდენტს, პრემიერს და პარლამენტის თავმჯდომარეს, რომელსაც საკონსტიტუციო სასამართლომ კონსტიტუციის დარღვევა დაუდგინა, უფლებამოსილების ვადის ამოწურვის შემდეგ სახელმწიფო დაცვის სამსახური აღარ მოემსახურება.
ჯერ კიდევ რსებული კანონის მიხედვით, პრეზიდენტს, პრემიერს და პარლამენტის თავმჯდომარეს უფლებამოსილების ამოწურვის შემდეგ პერსონალური დაცვა უნარჩუნდება 1 წლის ვადით, თუ უფლებამოსილების შეწყვეტა არ არის საქართველოს კონსტიტუციის დარღვევის ან დანაშაულის ჩადენის შედეგი.
საკონსტიტუციო სასამართლომ საქართველოს მოქმედი პრეზიდენტი სალომე ზურაბიშვილი კონსტიტუციის დამრღვევად ცნო, რითაც „ქართული ოცნების“ სარჩელი დააკმაყოფილა, თუმცა პარლამენტმა მისი იმპიჩმენტი ვერ შეძლო არასაკმარისი ხმების გამო.
პარლამენტის მიერ მიღებულ კანონს ძალაში შესასვლელად ხელი პრეზიდენტმა უნდა მოაწეროს და გამოაქვეყნოს. წინააღმდეგ შემთხვევაში, მას ხელს მოაწერს და გამოაქვეყნებს პარლამენტის თავმჯდომარე.
