ჩეჩნეთის ლიდერის რამზან კადიროვის განცხადებით, გროზნოში, კადიროვის სახელობის პოლიციის სპეციალური პოლკის ყაზარმებზე უკრაინული დრონები ჩამოაგდეს.
კადიროვის თქმით, გროზნოში, გასულ ღამეს დრონებით თავდასხმის შედეგად, ოთხმა კადიროველმა მცირე დაზიანებები მიიღო.
მისი თქმით, ჩამოგდებული დრონის ფრაგმენტებმა ყაზარმის სახურავი დააზიანა.
კიდევ ერთი დრონი აფეთქდა ჰაერში, რის შედეგადაც ჩაიმსხვრა ფანჯრები და დაზიანდა სახურავი. გაჩნდა ხანძარი, რომელიც მალევე ჩააქრეს.
კადიროვი „ფრონტის ხაზზე“ თავისი მებრძოლების გაგზავნით დაიმუქრა.
„ჩეჩნეთის რესპუბლიკიდან 84 ათასი მოხალისე და მებრძოლი რეზერვი მზადაა პირველივე ბრძანებით წინ წავიდეს ფრონტზე, ჩვენ ამას ასე არ დავტოვებთ!“, - თქვა კადიროვმა.
