საქართველოს პრემიერ-მინისტრ ნიკა გილაურის განცხადებით, შესაბამისი დაინტერესება არაბულმა მხარემ მასთან, აბუ-დაბიში გამართული შეხვედრებისას გამოთქვეს.
"შეხვედრებზე აქცენტი საქართველოს ჰიდროპოტენციალზე გავაკეთეთ. საქართველო დღეს ელექტროენერგიის ექსპორტს ყველა მეზობელ ქვეყანაში: რუსეთში, აზერბაიჯანში, სომხეთსა და თურქეთში ახორციელებს. რა თქმა უნდა, არსებობს დიდი პოტენციალი იმისა, რომ ამ სექტორში ინვესტიცია არაბული ქვეყნებიდანაც იქნას მოზიდული", - განუცხადა აბუ-დაბიში ვიზიტით მყოფმა გილაურმა ჟურნალისტებს.
შეგახსენებთ, რომ არაბეთის გაერთიანებული ემირატების დედაქალაქში გილაურის ვიზიტი გუშინ დაიწყო. საქართველოს პრემიერმა აბუ-დაბიში რიგი შეხვედრა უკვე გამართა, მათ შორის გაეროს გენერალურ მდივან პან გი მუნთან.
