"თიბისი ბანკი" 2010 წელს დადებიდად აფასებს. ბანკის ინფორმაცით, საერთაშორისო სარეიტინგო სააგენტომ Moody'ს "თიბისი ბანკის" დეპოზიტების გრძელვადიანი რეიტინგი უცხოურ ვალუტაში 2 საფეხურით - B3-დან B1-მდე აამაღლა და ბანკის ფინანსური მდგრადობის პროგნოზი შეაფასა, როგორც ,,სტაბილური".
43 მილიონი ლარი წმინდა მოგება; 33%-ით (369 მილიონი ლარით) გაზრდილი სესხების პორტფელი; დეპოზიტების 38%-იანი (370 მილიონი ლარით) ზრდა; 30%-ით (522 მილიონი ლარით) გაზრდილი აქტივები; მომხმარებლის ინტერესებზე მორგებული პროდუქტები; უპრეცედენტო შეღავათები სესხებზე; წლის ინოვაციური პროექტი, დაუმჯობესებული საერთაშორისო რეიტინგი, 800 000-მდე ლარი ქველმოქმედებაზე და წლის საუკეთესო ბანკის წოდება - ასეთი შედეგებით დაასრულა "თიბისი ბანკმა" გასული წელი და მყარი ფინანსური მდგომარეობითა და ამბიციური მიზნებით იწყებს ახალ, 2011 წელს.
2010 წლის დასაწყისიდან, ქვეყანაში ეკონომიკური გარემოს გაუმჯობესების გათვალისწინებით, თიბისი ბანკმა გაააქტიურა დაკრედიტების პოლიტიკა, ეტაპობრივად შეარბილა პირობები სესხებზე და დღეისთვის სესხის აღების ყველაზე მარტივ პროცედურას და ბაზარზე მინიმალურ საპროცენტო განაკვეთებს სთავაზობს მომხმარებელს.
2010 წლის განმავლობაში "თიბისი ბანკმა" განახორციელა რამდენიმე სოციალური პროექტი, დანერგა ახალი მომსახურებები, გააფართოვა ფილიალების ქსელი, პირველად ქართულ საბანკო სექტორში, შექმნა სოციალური მედიის ყველაზე მასშტაბური პროექტი და საფინანსო ინსტიტუტისთვის საკმაოდ ორიგინალური სახით დამკვიდრდა ინტერნეტ სივრცეში.
შედეგად, 2010 წელი შეიძლება შეფასდეს, როგორც თიბისი ბანკის 18 წლიანი ისტორიის კიდევ ერთი წარმატებული წელი, რაც წლის ბოლოს, ასევე აისახა საერთაშორისო რეიტინგებშიც: ფაინენშალ თაიმს გრუპმა თიბისი ბანკი საქართველოში ,,წლის საუკეთესო ბანკად'' დაასახელა, ხოლო სააგენტომ Moody -ს ბანკის რეიტინგი მნიშვნელოვნად გაზარდა.
