ყველაზე აქტიურ მომხმარებლებს, მათ მიერ გაგზავნილი SMS-ების რაოდენობა დაერიცხებათ ანგარიშზე, რომლის დაგზავნაც მათ ნებისმიერ ოპერატორის აბონენტთან შეეძლებათ.

ახალი წლის დღეებში, ბილაინის აბონენტების მიერ გაგზავნილი შMშ-ები 90%-ით გაიზარდა სხვა დღეებში გაგზავნილი SMS-ების რაოდენობასთან შედარებით, ხოლო განხორციელებული ზარების რაოდენობამ 40 % -ით იმატა, რაც იმას გულისმობს, რომ ახალი წლის პერიოდში, ბილაინის აბონენტები წამში 90 SMS-ს გზავნიდნენ.

"გამომდინარე იმ ფაქტიდან, რომ ბილაინის აბონენტების რაოდენობა წინა წლის განმავლობაში 44 %, გაიზარდა და აქტიური აბონენტთა ბაზამ 13 % შეადგინა, გაიზარდა დატვირთვა ბილაინის SMS ცენტრზე, მინდა კომპანიის საამაყოდ აღვნიშნო. რომ მთელი ახალი წლის პერიოდში, ბილაინის ქსელი აბსოლიტურად შეუფერხებლად მუშაობდა, რაც იმას გულისხმობს, რომ ჩვენს ნებისმიერ აბონენტს ჰქონდა საშუალება, ყოველგვარი დაბრკოლების გარეშე მიელოცა დღესასწაულები მისთვის ძვირფასი ადამიანებისათვის" - განმარტავს "ბილაინის" საზოგადოებასთან ურთოიერთობის სამსახურის უფროსი თეონა ბაღდავაძე.

"ვიმპელკომის" კომპანიების ჯგუფში შედის კავშირგაბმულობის ოპერატორები, რომლებიც მომსახურებას უწევენ ხმოვან კავშირსა და მონაცემების გადაცემას უსადენო და ფიქსირებული კავშირის ტექნოლოგიების ფართო სპექტრის საფუძველზე და ასევე უზრუნველყოფენ ინტერნეტში ფართოსპექტრიან ხელმისაწვდომობას. "ვიმპელკომის" ჯგუფში შედიან კომპანიები, რომლებიც ახორციელებენ ოპერაციებს რუსეთში, ყაზახეთში, უკრაინაში, ტაჯიკეთში, უზბეკეთში, საქართველოსა და სომხეთში, ასევე ვიეტნამსა და კამბოჯაში. "ვიმპელკომის" კომპანიების ჯგუფის ლიცენზიები მოიცავს ტერიტორიას მოსახლეობის საერთო რაოდენობით 340 მლნ ადამიანი. მომსახურების გაწევა ხორციელდება "ბილაინის" ბრენდით.