საქართველოს პრეზიდენტი მიხეილ სააკაშვილი წლის პირველი ოფიციალური ვიზიტით სომხეთს ეწვევა.
როგორც საქართველოს საგარეო საქმეთა მინისტრის მოადგილემ ნინო კალანდაძემ დღეს გამართულ ტრადიციულ ბრიფინგზე განაცხადა, მიხეილ სააკაშვილის ერევანში ვიზიტი 22-23 იანვარსაა ჩანიშნული.
"ეს იქნება წელს პრეზიდენტის პირველი ოფიციალური ვიზიტი, რაც საქართველო-სომხეთის მეგობრობას უსვამს ხაზს", - განმარტა კალანდაძემ.
რაც შეეხება განსახილველ საკითხებს. ოფიციალური ინფორმაციით, მხარეები ორ ქვეყანას შორის ეკონომიკური და სავაჭრო ურთიერთობების გაღრმავების პერსპექტივებზე ისაუბრებენ.
აღსანიშნავია, მიხეილ სააკაშვილთან ერთად სომხეთში გაემგზავრება საქართველოს საგარეო უწყების ხელმძღვანელი გრიგოლ ვაშაძეც, რომელიც მის სომეხ კოლეგას შეხვდება.
