აშშ-ის პრეზიდენტის ჯო ბაიდენის განცხადებით, ქარიშხალ „მილტონის“ მიერ მიყენებული ზარალი დაახლოებით 50 მილიარდ დოლარს შეადგენს.

”ექსპერტების შეფასებით, მხოლოდ ქარიშხალ „მილტონის მიერ გამოწვეული ზარალი, და ეს მხოლოდ ადრეული შეფასებებია, შესაძლოა იყოს მეტი ან შესაძლოა იყოს ნაკლები, მაგრამ დაახლოებით 50 მილიარდ დოლარს შეადგენს“, - განაცხადა ბაიდენმა.

ბაიდენმა აღნიშნა, რომ ქარიშხლის შედეგად 3 მილიონზე მეტი ადამიანი დარჩა ელექტროენერგიის გარეშე, მაგრამ აშშ-ის 43 შტატისა და კანადის 50 ათასი ენერგეტიკის სფეროს თანამშრომელთა „ერთგული მუშაობის“ წყალობით 1 მილიონ ადამიანს ელექტროენერგიის მიწოდება აღუდგა.

"და კიდევ ერთი მნიშვნელოვანი ამოცანაა ნანგრევებისგან გაწმენდა. აშშ-ის საგანგებო სიტუაციების მართვის ფედერალური სააგენტოს ინჟინერთა კორპუსი და ფლორიდის ეროვნული გვარდია ახლა ადგილზე არიან და ეხმარებიან სახელმწიფოს ნარჩენების გაწმენდაში გზებისა და კრიტიკული პორტების გახსნაში," - განაცხადა ბაიდენმა

ბაიდენმა ასევე აღნიშნა, რომ აშშ-ის სანაპირო დაცვა ცდილობს აღადგინოს ტამპას პორტი, რომელიც აწვდის დიდი რაოდენობით საწვავს და სხვა საქონელს, რაც მნიშვნელოვან როლს ასრულებს რეგიონის ეკონომიკაში.

”მინდა კიდევ ერთხელ მადლობა გადავუხადო ჩვენს მამაც მაშველებს, ენერგეტიკის მუშაკებს, სახელმწიფო და ადგილობრივ ოფიციალურ პირებს, მოქალქეებს, რომლებიც ეხმარებიან მეზობლებს და ბევრ სხვას,” - აღნიშნა ამერიკის პრეზიდენტმა.

ქარიშხალმა „მილტონმა“ ფლორიდის შტატში 17 ადამიანის სიცოცხლე იმსხვერპლა. მკვლევარების მის გაძლიერებას ადამიანის მიერ გამოწვეულ კლიმატის ცვლილებებს უკავშირებენ.