დღეს ქრისტიან-დემოკრატიული მოძრაობის ლიდერები გიორგი თარგამაძე და გიორგი ახვლედიანი პროექტ ‘'ვუსმენთ საქართველოს'' ფარგლებში საჩხერის საკრებულოს ფრაქციის წევრებთან ერთად სოფელ ჩიხას ესტუმრნენ. ისინი სოფელ ჩიხაში მოსახლეობას შეხვდნენ და დაწვრილებით გაეცნენ არსებულ პრობლემებს. მოსახლეობამ მოძრაობის ლიდერებს სოფლის ხიდის რეაბილიტაცია სთხოვა, რომელიც გადაადგილებისთვის დიდ როლს თამაშობს. ქრისტიან-დემოკრატიული მოძრაობის ლიდერები ხიდის აღდგენის საქმეში მოსახლეობას მხარდაჭერას დაჰპირდნენ. A
გიორგი თარგამაძე და გიორგი ახვლედიანი ასევე ჩიხას სკოლის მოსწავლეებს ესტუმრნენ და საჩუქრად დაპირებული სპორტული ინვენტარი გადასცეს.
ქრისტიან-დემოკრატიული მოძრაობის ლიდერები ადგილობრივი პრობლემების გაცნობისა და სიტუაციის შესწავლის მიზნით აქტიურად განაგრძობენ რეგიონებში ვიზიტებს. ლიდერების განცხადებით სწორედ იდენტიფიცირებული საჭიროებების მიხედვით განისაზღვრება მოძრაობის საპარლამენტო სამუშაო გეგმა.
E
მასალის გამოყენების პირობები
