საქართვეს საგარეო საქმეთა მინისტრი გრიგოლ ვაშაძე, მიხეილ სააკაშვილისა და ბარაკ ობამას შეხვედრას გამოეხმაურა. მისი თქმით, მნიშვნელოვანია ის, რომ ორი თვის განმავლობაში ამერიკისა და საქართველოს პრეზიდენტები მეორედ შეხვდნენ.
"ეს უკვე მეორე შეხვედრაა ორი თვის განმავლობაში. განსაკუთრებით მნიშვნელოვანი იყო ის, რომ ამ შეხვედრას ორი ქევყნის პრეზიდენტის გარდა, ამერიკის ვიცე-პრეზიდენტი ჯო ბაიდენიც ესწრებოდა. სააკაშვილი ფაქტიურად ყველა ამერიკელ პოლიტიკურ ლიდერს შეხვდა. აშშ-ს პრეზიდენტმა სახელმწიფო დეპარტამენტსა და უშიშროების საბჭოს დავალება მისცა, სწრაფად და ეფექტურად იმუშავონ იმ პრობლემებზე, რომელიც ობამამა და სააკაშვილმა განიხილეს", - განაცხადა საქართველოს საგარეო უწყების ხელმძღვანელმა.
შეგახსნებეთ, რომ მიხეილ სააკაშვილი ამერიკაში რიჩარდ ჰოლბრუკის მემორიალურ ცერემონიას დაესწრო. ამერიკაში ვიზიტის ფარგლებში. სააკაშვილი აშშ-ს პრეზიდენტ ბარაკ ობამას შეხვდა. მან ასევე შეხვედრები გამართა ამერიკის კონგრესის მაღალჩინოსნებთანაც.
