რუსეთის პრეზიდენტმა ვლადიმირ პუტინმა ჩრდილოეთ კორეის დიქტატოს კიმ ჩენ ინს ცხენების რემა გაუგზავნა. იტყობინება ბრიტანული გაზეთი The Sunday Times.
გაზეთის ინფორმაციით, პუტინმა კიმ ჩემ ინს საჩუქრად ორლოვის ჯიშის 24 ცხენი გაუგზავნა.
კიმ ჩენ ინი გატაცებულია ცხენებით. როგორც ამბობენ, მას განსაკუთრებულად უყვარს ორლოვის ჯიშის ცხენები. პუტინმა მას ადრეც უსახსოვრა ამ ჯიშის ცხენები, კერძოდ, 2022 წელს. მაშინ რემაში 30 ცხენი შედიოდა.
გარდა ამისა, კიმ ჩენ ინი რეგულარულად ყიდულობს ცხენებს რუსეთისგან. 2020 წლის მონაცემებით, 10 წლის განმავლობაში ფხენიანმა რუსეთისგან 138 ცხენი 580 000 დოლარად იყიდა. მხოლოდ 2015 წელს, ჩრდილოეთ კორეამ 61 ცხენი 192 20 დოლარად შეიძინა.
ჩრდილოეთ კორეის პროპაგანდისტული მედია ხშირად აქვეყნებს ფოტოებს ცხენზე ამხედრებული დიქტატორის გამოსახულებით.
2019 წლის ოქტომბერში ჩრდილოეთ კორეის სახელმწიფო სააგენტომ ქვეყნის ლიდერის კიმ ჩენ ინის ფოტოები გაავრცელა, სადაც თეთრ ცხენზე ამხედრებული კიმ ჩენ ინი პეკქტუსანის მთებში ჯირითობს.
