ესპანეთის კუნძულ მაიორკაზე ადგილობრივი მოსახლეობა მასობრივი ტურიზმის წინააღმდეგ საპროტესტო აქციაზე შეიკრიბა. პოლიციის ინფორმაციით, აქციაში 20 000-მდე ადამიანი მონაწილეობდა. ორგანიზატორები აცხადებენ, რომ 50 000-მდე მომიტინგე იყო.
"მასობრივი ტურიზმი სირთულეებს უქმნის ადგილობრივებს, რომლებსაც არ აქვთ საშუალება იცხოვრონ საკუთარ კუნძულზე, რადგან ტურისტული აპარტამენტები ზრდის ფასებს. ტურისტები ავსებენ პლაჟებს და მუნიციპალური სამსახურებს დამატებით ტვირთად აწვებიან ზაფხულში", - განუცხადა Reuters-ს დემონსტრაციის ერთ-ერთმა ორგანიზატორმა.
გამოცემის დემონსტრანტები მოითხოვდნენ მასობრივი ტურიზმის მასშტაბის შემცირებას და არარეზიდენტებისთვის უძრავი ქონების მიყიდვის აკრძალვას.
მაიორკაზე ანალოგიური აქცია მაისშიც გაიმართა. მასობრივი ტურიზმის წინააღმდეგ აპრილ-მაისში და ივლისის დასაწყისში დემონსტრაციები იყო კანარის კუნძულებზეც, ბარსელონაში, ჟირონასა და მალაგაში.
