ღრმად ვწუხვარ საქართველოს პარლამენტის გადაწყვეტილებაზე კანონის მიღების შესახებ, რომელიც ქვეყანას ევროკავშირში ინტეგრაციის გზას ააცდენს, – ამის შესახებ ლატვიის საგარეო საქმეთა მინისტრი ბაიბა ბრაჟე სოციალურ ქსელში წერს.
ბაიბა ბრაჟე „უცხოური გავლენის გამჭვირვალობის შესახებ“ კანონზე პარლამენტის მიერ პრეზიდენტის ვეტოს დაძლევას ეხმაურება.
„გასულ წელს ევროკავშირმა კანდიდატის სტატუსის მინიჭებით საქართველოს შანსი მისცა. ეს იყო ისტორიული მომენტი საქართველოსთვის და ამას მკაფიოდ უჭერდა მხარს მისი ხალხი. სევდიანი დღე“, – წერს ლატვიის საგარეო საქმეთა მინისტრი.
