Bloomberg Billionaires Index-ის მიხედვით, ბიძინა ივანიშვილის ქონება გაიზარდა და ამჟამად, 6.62 მილიარდ დოლარს შეადგენს.
მილიარდერთა რეიტინგში ივანიშვილი 383-ე ადგილს იკავებს. Bloomberg-ის მსოფლიოს უმდიდრესი ადამიანების რეიტინგში სულ 500 მილიარდერია.
Bloomberg-ის ინფორმაციით, ივანიშვილი ფლობს ხელოვნების ნიმუშების კოლექციას, რომლის ღირებულება 1 მილიარდ დოლარს შეადგენს.
გამოცემის ინფორმაციით, ივანიშვილმა ქონება უმეტესი ნაწილი 1990-იან წლებში პოსტსაბჭოთა სივრცეში რკინის მადნის წარმოებით, ფოლადის საწარმოებით, ბანკებითა და უძრავი ქონების ყიდვა-გაყიდვით დააგროვა.
Bloomberg-ის თანახმად, ივანიშვილი $5.58 მილიარდს ნაღდი ფულის სახით ფლობს, დანარჩენი კი კერძო აქტივებში აქვს ჩადებული.
