შეიძლება წმინდა მატრონას ხატს საღებავი შეასხა და ეს მოგეწონოს? - ამის შესახებ ახალქალაქის, კუმურდოსა და კარის მიტროპოლიტმა ნიკოლოზ ფაჩუაშვილმა გადაცემა „რეაქციაში“ განაცხადა.
„შეიძლება წმინდა მატრონას ხატს საღებავი შეასხა და ეს მოგეწონოს? ვიღაცამ შეასხა, ეს არ არის ნორმალური მოქმედება, შეიძლება ჩათვალოთ რომ ეს არის პროტესტი, ნორმალურია, ეს ამბავი? სტალინისთვის არავის შეუსხამს, ჯერ ერთი, სტალინისთვის საღებავის შესხმაც არ არის, თუ სტალინის მიმართ პროტესტი გვაქვს, გამოვხატოთ, არავინ ამის წინააღმდეგი არ არის, მაგრამ შეიძლება მატრონას სახეში საღებავი შეასხა და ეს ნორმალურად ჩათვალო?
ვფიქრობ, რომ საპატრიარქოს განცხადება ამომწურავი იყო ამ მხრივ, რომ თუ შემომწირავები ამ ხატს არ წაიღებენ, ეს ადვილი არ არის, დიდი ხატია და ნუ როგორც მოიტანეს, ისე უნდა წაიღონ, მაგრამ თუ არ წაიღებენ საპატრიარქო გააკეთებს ამას, თვითონ გაიტანს... მატრონას ხატი რატომ არ დაბრუნდება, სტალინის გამოხატვა ამ ხატზე არის , - თქვა მეუფემ.
მისი თქმით, ხატზე სტალინის გამოსახულება „უმეცრების“ ბრალია.
„სტალინის მოხვედრა ხატზე, ესეც უმეცრების ბრალი იყო, უმეცრება იმისი, ვინც ხატი შეუკვეთა და ვინც ხატი შეასრულა იმათი. ხატმწერმა, რომელმაც დაწერა ეს ხატი, რის მიხედვით გააკეთა ეს სცენა? ორი მნიშვნელოვანი ამბავია, ერთი ის, რომ სტალინი არ ყოფილა საერთოდ მატრონასთან სტუმრად და ამიტომ ამ ხატზე ამ სცენის გამოხატვა უმეცრების შედეგია და ამის დაკავშირება რუსეთთან არ არის სწორი. რუსეთის ეკლესიაში იყო მცდელობა მსგავსი ხატის ტაძარში შეტანის და არაფრით შეატანინეს, იმიტომ, რომ არასწორი ხატია,“ - განაცხადა მეუფე ნიკოლოზმა.
