როდესაც ნატო ემზადება ვაშინგტონის საიუბილეო სამიტისთვის, ჩვენ ვაგრძელებთ უკრაინის მხარდაჭერის განმტკიცებას, ვაძლიერებთ ჩვენს თავდაცვას და შეკავებას, ვასრულებთ მოკავშირეთა მიერ დადებულ პირობას თავდაცვის ხარჯების გაზრდის კუთხით და უფრო მჭიდროდ ვმუშაობთ პარტნიორებთან, – საქართველოს საზოგადოებრივი მაუწყებლის ინფორმაციით, ამის შესახებ ნატო-ს გენერალური მდივნის მოადგილემ, მირჩა ჯოანამ კოპენჰაგენში, ნატო-ს საპარალამენტო ასამბლეაზე სიტყვით გამოსვლისას განაცხადა.
„აქ, ევროპაში, მოლდოვის რესპუბლიკასა და საქართველოს მიწაზე უნებართვოდ არიან რუსი სამხედროები, ბოსნია და ჰერცეგოვინა კი დეზინფორმაციული კამპანიის სამიზნეა, რუსეთის მხრიდან ხდება არჩევნებში ჩარევა და კიბერთავდასხმები. ჰიბრიდული ომის ყველა ინსტრუმენტი ასევე იყო გამოყენებული ნატო-ს წევრების წინააღმდეგაც. როდესაც ვახსენე უკრაინა, მოლდოვა და საქართველო, ვთქვი, რომ მათი ადგილი ჩვენთან, ნატო-შია. მთელი დასაველთ ბაკლანეთი ასევე უნდა იყოს ჩვენთან, როგორც ევროპული და ევროატალანტიკური ოჯახსის სრულუფლებიანი წევრები. მე ვიცი, რომ ეს მოხდება ადრე თუ გვიან. ეს არის გამოსავალი, რომ ყველა დემოკრატიული ქვეყანა ერთად ვიყოთ, მიუხედვად იმისა, რამდენად მტკივნეულია წარსული ნაიარევები“, – განაცხადა ნატო-ს გენერალური მდივნის მოადგილემ.
ამასთან, მირჩა ჯოანამ განაცხადა, რომ იმედი აქვს, კანდიდატის სტატუსზე საქართველოსთან დაკავშირებით დადებითი გადაწყვეტილება იქნება მიღებული.
„მე ასევე მივესალმები ევროკავშირის სტრატეგიულ სიმამაცეს უკრიანის და მოლდოვის მიწვევის კუთხით და იმედია, იგივე გადაწყვეტილება იქნება მიღებული საქრთველოსთან დაკავშირებით და ასევე დასრულდება სამუშოა დასაველთ ბალკანეთის ქვეყნებთანაც“,- აღნიშნა მირჩა ჯოანამ.
