ხვალ, 15 დეკემბერს, 13:00 საათზე, ეროვნული კინოცენტრი და ტურიზმის ეროვნული სააგენტო თანამშრომლობის მემორანდუმს გააფორმებენ. დოკუმენტს ხელს მოაწერენ ეროვნული კინოცენტრის დირექტორი თამარ ტატიშვილი და ტურიზმის ეროვნული სააგენტოს თავმჯდომარე მაია სიდამონიძე.
ორი უწყების ურთიერთანამშრომლობა გულისხმობს მათ მიერ ქვეყნის ერთობლივ პოპულარიზაციას საზღვრებს გარეთ (ქვეყნის ერთობლივ წარდგენას სხვადასხვა კინოფესტივალსა თუ ტურისტულ გამოფენაზე), ტურისტების და ინვესტორების მოზიდვას საქართველოში, რაც კინოტურიზმის განვითარებას შეუწყობს ხელს.
ღონისძიება ეროვნული კინოცენტრის ოფისში (ზ. გამსახურდიას სანაპირი # 4, კულტურის სამინისტროს შენობა, მე-4 სართული) გაიმართება.
