ჯემი მაკგოლდრიკმა - გაეროს პრეზიდენტ კოორდინატორი საქართველოში გაეროს განვითარების პროგრამის წარმომადგენელი და პიტერ ნიკოლაუსმა, საქართველოში გაეროს ლტოლვილთა საქმეების უმაღლესი კომისრის წარმომადგენელი - ხელი მოეწერეს თანამშრომლობის მემორანდუმს UNHCR-სა და UNDP-ის შორის, რომელიც მოიცავს ერთობლივი თანამშრომლობის სამოქმედო გეგმას და განსაზღვრავს გარდამავალ სტრატეგიას ჰუმანიტარული დახმარებიდან განვითარებამდე პანკისის ხეობაში.
როგორც UNHCR-- ს მიერ გავრცელებულ განცხადებაშია აღნიშნული, პანკისის ხეობა აღმოსავლეთ საქართველოში ერთ-ერთი ყველაზე ღარიბი რეგიონია ქვეყანაში დასაქმების, ინვესტირებისა და ინფრასტრუქტურის თვალსაზრისით. განცხადების მიხედვით, ერთ დროს ის მასპინძლობდა 9, 000 ჩეჩენ ლტოლვილს (ჩეჩნეთის მეორე ომის შედეგად გადაადგილებულებს), თუმცა 2009 წლის ბოლოს ლტოლვილი მოსახლეობის რიცხვი შემცირდა და ამჟამად შეადგენს დახლოებით 1, 000.
"გაეროს ლტოლვილთა საქმეების უმაღლესმა კომისარიატმა, რომელიც ლტოლვილებს
უწევდა ჰუმანიტარულ დახმარებას და უზრუნველყოფდა მათ სამართლებრივ დაცვას 1999
წლიდან, გააცნობიერა, რომ დადგა დრო, ხეობაში მყოფი მთლიანი საზოგადოების
(ლტოლვილთა, ყოფილ ლტოლვილთა და მასპინძელთა) საჭიროებებზე მოეხდინა
რეაგირება. დაიწყო მოლაპარაკებები გაეროს სხვა სააგენტოსთან, რომელსაც აკისრია
პასუხისმგებლობა განვითარებაზე, გაეროს განვითარების პროგრამასთან (UNDP)", - აღნიშნულია განცხადებაში.
გაეროს ლტოლვილთა საქმეების უმაღლესმა კომისარიატმა (UNHCR-) და გაეროს
განვითარების პროგრამამ (UNDP) შეიმუშავა გარდამავალი გეგმა, რომელიც შეიტანს
წვლილს ჩეჩენი ლტოლვილების სოციალურ და ეკონომიკურ ინტეგრაციაში და გააუმჯობესებს მთლიანად ხეობის ეკონომიკურ განვითარებას.
აღნიშნული თანამშრომლობის მემორანდუმისა და ერთობლივი დეტალური პროგრამის
შესაბამისად, გლუკი ეტაპობრივად შეამცირებს ინდივიდუალურ დახმარებას და
შესაბამის პროექტებს. აღნიშნული ორგანიზაციის მტკიცებით, ეს ხელს შეუწყობს ადგილობრივ ინტეგრაციას ლტოლვილთა ნატურალიზაციის გზით (მაგ. ნატურალიზებულ ლტოლვილთა უზრუნველყოფა დახმარებით, რათა მოიძიონ გრძელვადიანი გადაწყვეტილებები), ამავდროულად დაეხმარება მათ სოციალურ-ეკონომიკურ ინტეგრაციაში ადგილობრივი ეკონომიკის განვითარების გზით, რაც სარგებლობას მოუტანს ლტოლვილებს, ყოფილ ლტოლვილებსა და მასპინძელ საზოგადოებას..
"ერთობლივი პროგრამა ეფუძნება მონაწილეობით მიდგობას, რომელიც მოწოდებულია,
ჩართოს მთლიანი საზოგადოება ისევე როგორც მთავრობა, სამოქალაქო საზოგადოება
და დაინტერესებული ბიზნეს კომპანიები.
პროგრამა ასევე შეესაბამება საქართველოში განვითარების ხელშეწყობისთვის გაეროს
გეგმის (UNDAF) მომდევნო ეტაპს (2011-2015), რომელიც მხარს უჭერს ეროვნულ
ღირებულებებს და ათასწლეულის განვითარების მიზნებს, კერძოდ: სიღარიბის დაძლევა,
დემოკრატიული განვითარება და სტიქიური უბედურებების რისკის შემცირება", - განმარტავს UNHCR.
