ამის შესახებ ჟურნალისტებს ინფორმაცია პრეზიდენტის პრეს-სპიკერმა მანანა მანჯგალაძემ მიაწოდა.

"მომავალი წლის ბიუჯეტში დეფიციტი შემცირებულია, რაც ადმინისტრაიცული ხარჯების შემცირების ხარჯზე მოხდა. ეს კი მთლიანად ქამრების შემოჭერის პოლიტიკის შედეგია" - განმარტა მანჯგალაძემ.

აღსანიშნავია, რომ 2011 წლის ბიუჯეტი 7 მილიარდ 100 მილიონი ლარით განისაზღვრება, რითაც ის მიმდიარე წლის ბიუჯეტთან შედარებით 30 მილიონი ლარით მეტია.

მომავალ წელს პრიორიტეტული სფეროები ჯანდაცვა და განათლება იქნება. შრომის ჯანმრთელობისა და სოციალური დაცვის სამინისტროს დაფინანსება 2011 წელს 25 პროცენტით გაიზრდება და 570 მილიონი ლარით იქნება განსაზრვრული.

"2011 წელი ამ სფეროსთვის კრიტიკული და გარდამტეხი იქნება, რადგან დაგეგმილია რამდენიმე სამედიცინო ობიექტის მშენებლობა და რეაბილიტაცია" - განმარტა მანჯგალაძემ

რაც შეეხება განალებს სფეროს, მისი დაფინანსება წლევანდელთან შედარებით მომავალ წელს 17 მილიონი ლარით გაიზრდება და 560 მილიონი ლარით განისაზღვრება.

გარდა ამისა, ოთხჯერ იზრდება სოფლის მეურნეობის სამინისტროს და რეგიონალური განვითარებისა და ინფრასტრუქტურის უწყების დაფინანსებაც.

"სოფლის მეურნეობის სამინისტროს იმხელა დაფინანსება რაც მას მომავალი წლის ბიუჯეტით განისაზღვრება არასდროს ჰქონია. ეს თანხა რამდენიმე მიმართულებით დაიხარჯება, მათ შორის მის ახალი სათესლე მასალებისა და ტექნიკის შეძენას მოხმარდება" - დასძინა მანჯგალაძემ.