"ვისოლ ჯგუფი" სუპერმარკეტების ბიზნესში შევიდა და თავისი პირველი სავაჭრო ობიექტი აღმაშენებლის ხეივნის მე-13 კილომეტრზე "ვისოლის" ავტოგასამართ სადგურთან გახსნა.
სუპერმარკეტების ქსელი, რომელიც ახალი წლიდან მთელს საქართველოს მოიცავს, "სმარტის" ბრენდის ქვეშ გაერთიანდება.
ყოველდღიური მოხმარების პროდუქტების მაღალი ხარისხი, ფართო არჩევანი და ზომიერი ფასები, კომფორტული კაფე სრული მომსახურებით, ინტერნეტ ზონა, აფთიაქი, სწრაფი გადახდის აპარატი, ბანკომატი, უნიკარდით ქულების დაგროვების საშუალება, სასიამოვნო გარემო და უმაღლესი ხარისხის მომსახურება 24 საათის განმავლობაში - ეს "ყველაფერი ერთ ადგილას" მომხმარებელს სრულ კომფორტს უქმნის.
"სმარტის" პირველ სუპერმარკეტში 50-მდე ადამიანი დასაქმდება. მომავალი სამი წლის განვლობაში "ვისოლ ჯუფი" "სმარტის" სუპერმარკეტების ქსელის მნიშვნელოვან გაფართოებას გეგმავს და 3000 -მდე ადამიანს დაასაქმებს. "სმარტის" პირველ სუპერმარკეტში დასაქმებული ყველ თანამშრომელი დაზღვევით, უფასო კვებით და ტრანსპორტირებით ისარგებლებს.
მომავალი წლის ბოლომდე "სმარტის" სუპერმარკეტები ბათუმის, გლდანის, ვაზისუბნის, ვარკეთილის, წყნეთის, ფოთის ქუთაისის, გორის მარნეულის, ზუგდიდის, სამტრედიის და ახალციხის მოსახლეობასაც მოემსახურება. სუპერმარკეტების ქსელი სხვადასხვა ფორმატის იქნება.
"მოხარული ვარ, რომ ჩვენ მომხმარებელს ყველანაირ კომფორტს შევუქმნით. "სმარტი" მაღალტექნოლოგიური სუპერმარკეტების ქსელი იქნება. სუპერმარკეტებისთვის სავაჭრო აღჭურვილობა იტალიიდან ჩამოვიტანეთ. პროდუქტების იმპორტს იტალიიდან და გერმანიიდან მოვახდენთ. ჩვენი ორიენტირი ადგილობრივი წარმოების პრდუქტებიც იქნება. ყველანირად ხელს შევუწყობთ ქართულ წარმოებას და მომხმარებელს ჯანსაღ პროდუქტებს და ყვლა საჭირო ნივთს ერთ ადგილას შევთავაზებთ",- განაცხადა "ვისოლის" დამფუძნებელმა და "სმატის" გენერალურმა დირექტორმა სოსო ფხაკაძემ.
მომავალი სამი წლის განმავლობაში "ვისოლის" მენეჯმენტი საქართვლოს მაშტაბით 20-მდე ობიექტის გახსნას გეგმავს.
