ომში გასამარჯვებლად უკრაინას სჭირდება მეტი არტილერია, ჯავშანტექნიკა, საჰაერო თავდაცვა, ასე რომ სწორედ ახლაა დრო გავაორმაგოთ ჩვენი სამხედრო მხარდაჭერა., – ამის შესახებ დიდი ბრიტანეთის პრემიერ-მინისტრმა, რიში სუნაკმა მიუნხენის უსაფრთხოების კონფერენციაზე განაცხადა.
მისი თქმით, როდესაც ვლადიმირ პუტინმა უკრაინაში ომი დაიწყო, იმედოვნებდა რომ დასავლეთის გადაწყვეტილება დაგვიანდებოდა. "ახლაც კი, ის ფიქრობს, რომ ნერვები გვიმტყუნებს. მაგრამ ჩვენ დავამტკიცეთ, რომ ცდებოდა და ამას კიდევ ერთხელ დავამტკიცებთ", - თქვა სუნაკმა.
მისი თქმით, მშვიდობის მისაღწევად, ასევე საჭირო იქნება საერთაშორისო წესრიგის აღდგენა, რომელზეც დასავლეთის კოლექტიური უსაფრთხოებაა დამოკიდებული.
"დიდი ბრიტანეთი ყოველთვის იქნება თავისუფლების, დემოკრატიისა და კანონის უზენაესობის მხარეს. ევროპის კონტინენტის უსაფრთხოება ყოველთვის იქნება ჩვენი უმთავრესი პრიორიტეტი. რუსეთი ყოველდღიურად იწვევს ტანჯვას და ერთადერთი გზა ამის შესაჩერებლად უკრაინის გამარჯვებაა. ჩვენ გვჭირდება სამხედრო სტრატეგია უკრაინისთვის, რომ მან მოიპოვოს უპირატესობა ბრძოლის ველზე და გაიმარჯვოს. ასევე, გვჭირდება პოლიტიკური სტრატეგია, რომ მოვიპოვოთ მშვიდობა. ომში გასამარჯვებლად უკრაინას სჭირდება მეტი არტილერია, ჯავშანტექნიკა, საჰაერო თავდაცვა, ასე რომ სწორედ ახლაა დრო გავაორმაგოთ ჩვენი სამხედრო მხარდაჭერა.
