ოს სეპარატისტთა ლიდერი ედუარდ კოკოითი ე.წ. სამხრეთ ოსეთში გაცნობითი ხასიათის ვიზიტად მყოფ ბელორუსი პარლამენტარების დელეგაციას შეხვდა. ამ დელეგაციას ბელორუსის პარლამენტის საერთაშორისო საკითხებისა და დსთ-ს ქვეყნებთან ურთიერთობის კომიტეტის ხელმძღვანელის მოადგილე ვლადიმერ კუჟაკოვი ხელმძღვანელობს.
"სამხრეთ ოსეთსა და ბელორუსს შორის ყველაზე მჭირდო კონტაქტი უნდა იყოს დამყარებული. პარლამენტში დღეს არის საჭიროება იმის, რომ თქვენთან ყველაზე მჭიდრო და თბილი ურთიერთობები დამყარდეს. მინდა კიდევ ერთხელ ავღნიშნო, რომ ჩვენ მოხიბლულნი ვართ თქვენი ხალხის მიერ ჩვენდამი დამოკიდებულებით", _ განაცხადა ვლადიმერ კუჟაკოვმა ოს სეპარატისტთა ლიდერთან ედუარდ კოკოითთან შეხვედრისას.
ე.წ. სამხრეთ ოსეთის ბეჭდვისა და ინფორმაციის კომიტეტის ინფორმკაციით, ოს სეპარატისტთა ლიდერმა ბელორუს პარლამეტარებს ჩამოსვლისათვის მადლობა გადაუხადა.
"მადლობა იმისათვის, რომ გამოიჩინეთ ინიციატივა და სამრეთ ოსეთის მონახულების სურვილი და აქ მომხდარი მოვლენების უკეთ გაცნობის სურვილი გამოთქვით. მინდა ასევე გაუწყოთ, რომ მე ხშირად და თბილად ვიხსენებ ბელორუსის პრეზიდენტთან ლუკაშენკოსთან შეხვედრას, როდემაც მან ძალიან თბილად მიგვიღო მე და აფხაზეთის პრეზიდენტი სერგეი ბაღაფში",_ განაცხადა კოკოითმა და დასძინა, რომ მას ძალიან კარგად ესმის თუ რა მდგომარეობაში იმყოფება დღეს ბელორუსი.
"მშვენივრად მესმის თუ რა მდგომარეობაშია დღეს ბელორუსი, როდესაც ყველა თქვენს გადაწყვეტილებას ელოდება. თუმცა ეს ბელორუის ხალხისა და მთავრობის შიდა საქმეა. ჩვენ არ ვაპირებთ ამ პროცესის ფორსირებას, თქვენ თავად უნდა მიხვიდეთ ამ გადაწყვეტილებამდე. ყველაზე მთავარი კი არის ის, რომ ჩვენ დავამყარიოთ ნორმალური ურთიერთობა ეკომიკურ და კულტურულ სფეროებში. ასვეე დამყარდეს პარლამენტთაშორისი ურთიერთობები ქვეყნების მთავრობების დონეზე. ჩვენ რათქმაუნდა დაველოდებით ოფიცილაურ აღიარებას, იმტომ, რომ ჩვენი ხალხისათვის ეს ძალიან მნიშვნელოვანია",_ აცხადებს ედუარდ კოკოითი. ამასთან ერთად,ოს სეპარატისტთა ლიდერმა ედუარდ კოკოითმა ხელიდან შესაძლებლობა არ გაუშვა და ბელორუს პარლამენტარებთან საქართველო "ოსი ხალხის გენოციდში" კიდევ ერთხელ დაადანაშაულა.
თავის მხრივ, ბელორუსის პარლამენტის საერთაშორისო საკითხებისა და დსთ-ს ქვეყნებთან ურთიერთობის კომიტეტის ხელმძღვანელის მოადგილე ვლადიმერ კუჟაკოვმა განაცხადა, რომ მათი დელეგაციის ვიზიტის შედეგები აუცილებლად ეცნობება ბელორუსის ხელისუფლებას.
"დაბრუნების შემდეგ ჩვენ მოვამზადებთ ანგარიშს და დავუდებთ ხელისუფლებას წინ ყველაფერს რაც ჩვენ აქ ვნახეთ. მინდა მადლობა გადავუხადო ყველას ვინც ჩვენთან ერთად მუშაობდა. ჩვენ არავის არაფერში შევუზღუდივათ^_ რაც გვინდოდა დავინახეთ და რაც გვინდოდა გავიგონეთ. ყოველივე ამაზე ყურება კი ძალიან მძიმეა", _ განაცხდა ბელორუს პარლამენტართა დელეგაციის ხელმძღვანელმა.
