ერევანში, სამთავრობო დასახლებასთან, მოძრაობა "წინააღმდეგობის" წევრებსა და პოლიციას შორის შეტაკება მოხდა, რის შედეგადაც რამდენიმე ადამიანი დააკავეს. ამის შესახებ სომხური მედია იტყობინება.
მანამდე აქციის მონაწილეები, რომლებსაც პარლამენტის ვიცე-სპიკერი, იშხან საღათელიანი ხელმძღვანელობდა, ფაშინიანის რეზიდენციისკენ გაემართნენ, რათა მისთვის ოპოზიციის მოთხოვნები გადაეცათ. ამ დროს შეტაკებები დაიწყო პოლიციასა და დემონსტრანტებს შორის. სამართალდამცველებმა გამოიყენეს სპეცსაშუალებები, მათ შორის მანათობელი ხმოვანი ყუმბარები.
შეტაკების შედეგად არიან დაშავებულები და დაკავებულები. სომხეთის ჯანდაცვის სამინისტროს ცნობით, ოპოზიციის მხარდამჭერებსა და პოლიციას შორის შეტაკების შედეგად სულ 38 ადამიანი დაშავდა.
სომხეთში ოპოზიცია მთავრობის გადადგომის მოთხოვნით საპროტესტო აქციებს უკვე რამდენიმე კვირაა, მართავს.
საპროტესო მღელვარება სომხეთში მას შემდეგ გაღვივდა, რაც სომხეთის პრემიერ-მინისტრმა ნიკოლ ფაშინიანმა აპრილის შუა რიცხვებში, მთიან ყარაბაღთან დაკავშირებით, როგორც აღმოჩნდა ბევრისთვის მიუღებელი განცხადება გააკეთა.
ფაშინიანის განცხადებით, საერთაშორისო საზოგადოება მოუწოდებს სომხეთს, "აზერბაიჯანისთვის 7 რაიონის გადაცემას ამა თუ იმ კონფიგურაციით და მთიანი ყარაბაღის სტატუსის საკითხში თამასის დაწევას".
