28 მაისს, ლუჰანსკის ოლქის ქალაქ ლისიჩანსკში უცხოელი ჟურნალისტები და უკრაინელი სამხედროები რუსეთის საარტილერიო ცეცხლის ქვეშ მოყვნენ. ლისიჩანსკს უკრაინა აკონტროლებს, თუმცა მის სიახლოვეს მძიმე ბრძოლები მიმდინარეობს.
ფოტორეპორტიორები ალექს ჩან ცზი იუკი (თანამშრომლობს სააგენტო Sopa Images-თან) და კაოჯუ ნ (თანამშრომლობს
Getty Images-თან) ადგილობრივ ნიკოლაისთან ერთად სევეროდონეცკში წასვლას გეგმავდნენ, მაგრამ ხიდთან, რუსული პოზიციებიდან დაახლოებით ნახევარ კილომეტრში გაჩერდნენ, რადგან ცეცხლმოკიდებული მანქანები დაინახეს. იმ მომენტში, როდესაც ისინი უკრაინელ სამხედროებს ელაპარაკებოდნენ, მათ სიახლოვეს რამდენიმე აფეთქება მოხდა.
აფეთქების კადრები კამერამ გადაიღო, რომელიც ალექსის ჩაფხუტზე იყო დამაგრებული. ჭურვის ნამსხვრევებით ხელში დაიჭრა ნიკოლაი. ჟურნალისტებმა მას პირველადი დახმარება აღმოუჩინეს. ნიკოლაი და კიდევ ერთ დაჭრილი უკრაინელი სამხედრო კლინიკაში გადაიყვანეს. ალექსმა აფეთქების შედეგად დროებით სმენა დაკარგა.
