მოსკოვის უალკოჰოლო სასმელების ქარხანა "ოჩაკოვომ" Coca-Cola-ს, Fanta-სა და Sprite-ს ანალოგი გაზიანი სასმელები გამოუშვა შემდეგი დასახელებებით: CoolCola, Fancy და Street-ი.
"საყვარელი გამაგრილებელი სასმელების კლასიკური გემო", - ნათქვამია პროდუქციის აღწერაში. კომპანიის ცნობით, CoolCola წარმოადგენს გაზიან სასმელს კოლას გემოთი, Fancy - ნატურალი ფორთოხლით, ფანტას გემოთი, Street - გაზიანი სასმელი ლიმონისა და ლაიმის ნატურალური წვენით და მცენარეული ექსტრაქტებით.
Coca-Cola-მ უკრაინაში შეჭრის ფონზე რუსეთის ტერიტორიაზე საქმიანობა მარტში შეაჩერა.
მაისში კომპანიის გენერალურმა დირექტორმა ჯეიმს კუინსმა განაცხადა, რომ Coca-Cola Company არ გამორიცხავს რუსეთის ბაზრიდან საბოლოო წასვლას. გ
აზიანის სასმელების მწარმოებელმა კიდევ ერთმა მსხვილმა კომპანიამ PepsiCo-მ 9 მარტს განაცხადა, რომ რუსეთში აჩერებს Pepsi-ს, 7 up-სა და Mirinda-ს ბრენდების სასმელების გაყიდვებს, ასევე სარეკლამო საქმიანობას. თუმცა გააგრძელებს საბავშვო კვების პროდუტების, სნექების, წვენების და რძის პროდუქტების რეალიზაციას.
