16 მაისს შეერთებული შტატების საჰაერო ძალების მეთაურობამ განაცხადა, რომ წარმატებით გამოსცადა ჰიპერბგერითი რაკეტა AGM-183A ARRW.
გავრცელებული ცნობით, რაკეტის გამოცდა 14 მაისს კალიფორნიის შტატის სამხრეთ სანაპიროზე განხორციელდა.
ჰიბერბგერითი რაკეტა სტრატეგიულმა ბომბდამშენმა Boeing B-52H Stratofortress-მა გაუშვა.
რაკეტის სიჩქარე ხუთჯერ აღემატებოდა ბგერის სიჩქარეს.
აშშ-ს საჰაერო ძალების შეიარაღების პროგრამის ხელმძღვანელმა ჰიტ კოლინზმა ტესტის შედეგებს "დიდი მიღწევა" უწოდა.
გასულ თვეში, CNN-მა გაავრცელა ინფორმაცია, რომ აშშ-ს სამხედროებმა წარმატებით გამოსცადეს ჰიპერბგერითი რაკეტა მარტის შუა რიცხვებში, მაგრამ ინფორმაცია, საიდუმლოდ ინახებოდა რუსეთთან დაძაბულობის ესკალაციის თავიდან ასაცილებლად.
