1-ელ მაისს, საღამოს პერმის დენთის ქარხანაში ხანძარი გაჩნდა, რის შედეგადაც საწარმოს ორი თანამშრომელი დაიღუპა.
ოდნავ მოგვიანებით ცნობილი გახდა, რომ კიდევ ერთი დაშავებული, რომელიც საავადმყოფოში იმყოფებოდა და რომლის მდგომარეობაც უკიდურესად მძიმედ შეფასდა, გარდაიცვალა.
ხანძრის გამომწვევი მიზეზის შესახებ ოფიციალური ინფორმაცია ჯერჯერობით არ ვრცელდება. თვითმხილველთა თქმით, ძლიერი ხმაური გაიგონეს. ქარხნის ხელმძღვანელობამ მედიას განუცხადა, რომ გეგმიური ცდები ტარდებოდა და პანიკის საფუძველი არ არსებობს.
ადგილობრივი მედიის ცნობით, ხანძარი 500 კვადრატულ მეტრზე მეტ ფართობზე გავრცელდა.
