რუსეთის ბელგოროდის ოლქის გუბერნატორის ვიაჩესლავ გლადკოვის განცხადებით, თავდაცვის სამინისტროს ობიექტზე ხანძარია.
"სამი მუნიციპალიტეტის - ბორისოვის, ბელგოროდისა და იაკოვლევსკის საზღვარზე, ხანძარი გაჩნდა რუსეთის ფედერაციის თავდაცვის სამინისტროს ერთ-ერთი ობიექტის ტერიტორიაზე. მსხვერპლთა და ნგრევის შესახებ ინფორმაცია ზუსტდება. ადგილზე ყველა ოპერატიული სამსახური მუშაობს, უსაფრთხოების უზრუნველსაყოფად ყველა საჭირო ზომა იქნება მიღებული. დეტალური ინფორმაცია მოგვიანებით გახდება ცნობილი", - წერს გლადკოვი.
მანამდე მედიამ გამოაქვეყნა ფოტოები და ვიდეო, რომლებიც სავარაუდოდ ბელგოროდის მახლობლადაა გადაღებული. ტერიტორიაზე ჩანს კვამლის უზარმაზარი სვეტი.
