ავსტრიის საგარეო საქმეთა მინისტრი ალექსანდრ შალენბერგი უკრაინის ევროკავშირში გაწევრიანებას ეწინააღმდეგება.
მედიის ინფორმაციით, შალენბერგმა ეს განცხადება ლეხ ამ არლბერგში, ევროპული მედიის მე-14 სამიტზე გამოსვლისას გააკეთა.
გავრცელებული ცნობით, შალენბერგი მიიჩნევს, რომ ევროკავშირმა უკრაინას გაწევრიანება არ უნდა შესთავაზოს.
შალენბერგის განცხადებით, უკრაინას არ უნდა მიენიჭოს კანდიდატი ქვეყნის სტატუსი ივნისში, როგორც ამას პრეზიდენტი ზელენსკი მოელის.
ამ საკითხზე საუბრისას, შალენბერგმა აღნიშნა, რომ ბალკანეთის ქვეყნებს უფრო ხანგრძლივი დრო დასჭირდათ, რათა ევროკავშირის წევრობის კანდიდატი ქვეყნის სტატუსი მიეღოთ.
ამასთან, ავსტრიული გამოცემა Heute ციტირებს შალენბერგის სიტყვებს, სადაც ის ამბობს, რომ უკრაინა, პრინციპში, არც მომავალში უნდა გახდეს ევროკავშირის წევრი. ის მხარს უჭერს უკრაინის სხვა გზას, ვიდრე სრულუფლებიანი წევრობაა.
მინისტრის თქმით, უნდა არსებობდეს სხვა მოდელები, გარდა უკრაინის ევროკავშირში გაწევრიანებაა, ასეთია ევროკავშირის ერთიან ეკონომიკურ ზონაში გაწევრიანება, ან უბრალოდ ასოცირების შეთანხმების არსებული დონის შენარჩუნება.
შალენბერგი ასევე გამოვიდა მოწოდებით, გაღრმავდეს ურთიერთობები უკრაინასა და ევროკავშირს შორის.
