ბელორუსის ავტოკრატი პრეზიდენტი ალექსანდრ ლუკაშენკა აცხადებს, რომ ხელისუფლება აღარ დაუშვებს ოპოზიციის მასობრივი საპროტესტო აქციების განმეორებას, როგორც ეს 2020 წლის საპრეზიდენტო არჩევნების შემდეგ მოხდა.
ბელარუსი პრეზიდენტმა ეს განცხადება 19 აპრილს გამართულ შეხვედრაზე გააკეთა, სადაც ქვეყანაში წესრგის დაცვის საკითხზე იმსჯელეს.
ლუკაშენკას თქმით, "თავს მოჰკვეთს ყველას, ვისაც ქვეყანაში სიმშვიდისა და წესრიგის ხელყოფას ეცდება".
"დაგავიწყდათ რა მოხდა 2020 წელს? არის ვინმე ვინც კმაყოფილია 2020 წელს მომხდარით და წარსულის განმეორება უნდა? გახსოვდეთ: ეს არ იმუშავებს. მე მაქვს საკმარისი ძალა და შესაძლებლობა. ყველას, ვისაც დღეს ჩვენს ქვეყანაში სიმშვიდისა და წესრიგის დარღვევა სურს, თავს მოვკვეთთ", - აცხადებს ლუკაშენკა.
