ერთიანი ნაციონალური მოძრაობის თავმჯდომარე, ნიკა მელია პარტიის წევრებთან, ეკა ხერხეულიძესა და კობა ნაყოფიასთან ერთად უკრაინაში იმყოფება. უკრაინაშია საქართველოს ყოფილი პრეზიდენტი, გიორგი მარგველაშვილიც.
"მნიშვნელოვანია, რომ ამ დელეგაციის ფარგლებში ჩვენ მოგვეცემა შესაძლებლობა, ძალიან ბევრ შეხვედრაში მივიღოთ მონაწილეობა. დღეს ჩვენ აქ და ახლა არ წარმოვადგენთ ქართულ ოპოზიციას, აქ და ახლა ჩვენ წარმოვადგენთ ქართველ ხალხს, რომლის უმრავლესობაც არის სოლიდარული უკრაინის მიმართ". - თქვა ნიკა მელიამ.
შეგახსენებთ, დღეს საქართველოს საპარლამენტო დელეგაცია, პარლამენტის თავმჯდომარის, შალვა პაპუაშვილის ხელმძღვანელობით უკრაინაში გაემგზავრა.
