ნიუ იორკის ბრუკლინის რაიონის ერთ-ერთ მეტროსადგურში სროლის შედეგად სულ მცირე 16 ადამიანი დაშავდა.
დაშავებულთაგან 10-ს აღენიშნება ცეცხლსასროლი იარაღით მიყენებული ჭრილობები. იუწყებიან, რომ 5 ადამიანი კრიტიკულ, მაგრამ სტაბილურ მდგომარეობაში იმყოფება ადგილობრივ საავადმყოფოებში.
პოლიცია Twitter-ზე წერს, რომ აქტიური ასაფეთქებელი მოწყობილობები არ აღმოუჩენიათ, ამავდროულად სამართლადამცველებმა მოქალაქეებს სადგურის მიმდებარედ გადაადგილებისაგან თავის შეკავებისკენ მოუწოდეს.
ამასთან, ზოგიერთმა მედიასაშუალებამ გაავრცელა ცნობა ხუთი ადამიანის დაღუპვის შესახებ, თუმცა ოფიციალურად აღნიშნული ინფორმაცია არ დასტურდება. პოლიცია ეჭვმიტანილს ეძებს.
ინციდენტის შესახებ ინფორმირებულია პრეზიდენტი ჯო ბაიდენი. თეთრი სახლის წარმომადგენლებს კომუნიკაცია აქვთ ნიუ იორკის მერთან ერიკ ადამსსა და პოლიციასთან.
