რუსეთის ლიბერალურ-დემოკრატიული პარტიის ლიდერი ვლადიმირ ჟირინოვსკი გარდაიცვალა. ინფორმაციას ადასტურებს რუსეთის სახელმწიფო დუმის სპიკერი ვიაჩესლავ ვოლოდინი.
"ჩვენ ახლახან შეგვატყობინეს, რომ ვლადიმერ ჟირინოვსკი გარდაიცვალა მძიმე და ხანგრძლივი ავადმყოფობის შემდეგ. პატივი მივაგოთ მის ხსოვნას", - განაცხადა ვოლოდინმა დუმის სხდომაზე.
ჟირინოვსკი 2 თებერვლიდან კორონავირუსით გამოწვეული გართულებების გამო მოსკოვის ცენტრალურ კლინიკურ საავადმყოფოში მკურნალობდა.
მედიაში არაერთხელ გავრცელდა ცნობა მისი გარდაცვალების შესახებ, რომელიც მოგვიანებით არ დასტურდებოდა.
