ფრანგმა მსახიობმა ჟერარ დეპარდიემ უკრაინის ტერიტორიაზე რუსეთის შეჭრას პუტინის "უგუნური და მიუღებელი ექსცესი" უწოდა.
წარსული დეპარდიე აღფრთოვანებული იყო პუტინით და 2013 წელს რუსეთის მოქალაქეც კი გახდა.
დეპარდიეს განცხადებით, "რუსი ხალხი არ არის პასუხისმგებელი ვლადიმირ პუტინის მსგავსი ლიდერების უგუნურ და მიუღებელ ქმედებებზე.
მისივე თქმით, აპრილის დასაწყისში პარიზში დაგეგმილი მისი სამი კონცერტის ბილეთების გაყიდვიდან მიღებული მთლიანი შემოსავალი ომით დაზარალებულ უკრაინელებს გადაეცემათ.
ომის შეწყვეტის მოწოდებით, დეპარდიე 1-ელ მარტსაც გამოვიდა, თუმცა მაშინ პუტინი ღიად არ გაუკრიტიკებია.
2015 წელს უკრაინამ რუსეთის მოქალაქე ჟერარ დეპარდიე "შავ სიაში" შეიყვანა და ქვეყანაში შესვლა ხუთი წლით აუკრძალა. ეს გადაწყვეტილება უკავშირდებოდა დეპარდიეს განცხადებებს უკრაინასთან დაკავშირებით. "მე მიყვარს რუსეთი და უკრაინა, რომელიც რუსეთის ნაწილია", - ამბობდა მაშინ დეპარდიე.
