რუსეთის საგარეო საქმეთა სამინისტრო აცხადებს, რომ მოსკოვის წინააღმდეგ სანქციების საპასუხოდ, ევროკავშირის უმაღლეს ხელმძღვანელობა რუსეთში შესვლა აუკრძალა.
"შეზღუდვები ეხება ევროკავშირის უმაღლეს ხელმძღვანელობას, მათ შორის რამდენიმე ევროკომისარს და ევროკავშირის სამხედრო სტრუქტურების ხელმძღვანელებს, ისევე როგორც ევროპარლამენტის წევრების დიდ უმრავლესობას, რომლებიც ხელს უწყობენ ანტირუსულ პოლიტიკას", - ნათქვამია სამინისტროს განცხადებაში.
უწყების განცხადებით, "შავ სიაში" ასევე შეიყვანა ევროკავშირის რამდენიმე წევრი სახელმწიფოს მთავრობისა და პარლამენტის წევრები, სამოქალაქო საზოგადოებისა და მედიის წარმომადგენლები.
"შავი სიის" შემადგენლობა საგარეო საქმეთა სამინისტროს ჯერჯერობთ არ გამოუქვეყნებია.
უკრაინაში ომის დაწყების შემდეგ, ევროკავშირმა სანქციები დაუწესა რუსეთის სახელმწიფო სათათბიროს დეპუტატების უმრავლესობას, არაერთ რუსულ ბანკს, პირადად რუსეთის პრეზიდენტ ვლადიმირ პუტინს, ასევე მაღალი რანგის თანამდებობის პირებს, ბიზნესმენს და კრემლის პროპაგანდისტებს.
