უკრაინაში შეჭრის გამო რუსეთის წინააღმდეგ დაწესებული სანქციების ფარგლებში, ბრიტანეთის ხელისუფლებამ დააკავა რუსი ბიზნესმენის სუპერიახტა.
58.5-მეტრიანი სუპერიახტის, სახელწოდებით PHI, ღირებულება 38 მილიონ ფუნტს შეადგენს.
სუპერიახტის მფლობელის ვინაობა არ გახმაურებულა, ცნობილია მხოლოდ ის, რომ ის რუსი ბიზნესმენია, რომელიც ამჟამად "არ არის სანქციების ქვეშ, მაგრამ მჭიდრო კავშირი აქვს რუსეთის პრეზიდენტ ვლადიმირ პუტინთან".
კომპანია, რომელზეც არის იახტა რეგისტრირებული, დაფუძნებულია კარიბის ზღვის აუზში. თავად იახტა მალტის დროშის ქვეშ დაცურავს.
იახტა გემთმშენებელმა კომპანია Royal Huisman-მა ააგო. მასზე განლაგებულია ღვინის მარანი და მტკნარი წყლის საცურაო აუზი.
