დამოუკიდებელი რუსული გამოცემა "ნოვაია გაზეტა" მუშაობას აჩერებს.
გამოცემის რედაქციის ინფორმაციით, ამ გადაწყვეტილების მიღებას წინ უსწრებდა, რუსეთის მედიის მარეგულირებელი ორგანოსგან, "როსკომნადზორისგან" მიღებული მეორე გაფრთხილება.
რედაქციის განცხადებით, რომ "ნოვაია გაზეტა" წყვეტს გაზეთის ონლაინ და ბეჭდური ვერსიის გამოცემას უკრაინაში „სპეციალური ოპერაციის დასრულებამდე".
როგორც იუწყებიან, რუსული კანონის თანახმად, "როსკომნადზორი" ორი გაფრთხილების შემდეგ, უფლებამოსილია, მედიასაშუალებას ლიცენზია შეუწყვიტოს.
"როსკომნადზორის" ორივე გაფრთხილება ეხებოდა არასამთავრობო ორგანიზაციებისა და მედიასაშუალებების ხსენებას მარკირების გარეშე, რომლებიც შედიან „უცხოური აგენტების“ რეესტრში.
შეგახსნებთ, "ნოვაია გაზეტას" მთავარმა რედაქტორმა, დიმიტრი მურატოვმა გასულ წელს მშვიდობის დარგში ნობელის პრემია მიიღო. ერთი კვირის წინ მან განაცხადა, რომ აპირებდა თავისი ნობელის პრემიის მედლის აუქციონზე გაყიდვას და მიღებული თანხის გადარიცხვას უკრაინიდან ლტოლვილების დასახმარებლად ფონდში.
