შეერთებულმა შტატებმა და ევროკავშირმა მიაღწიეს შეთანხმებას თხევადი ბუნებრივი აირის მიწოდების თაობაზე, რომლის მიზანია ევროკავშირის რუსულ ენერგომატარებლებზე დამოკიდებულების შემცირება.
ახალი შეთანხმების შესახებ აშშ-ის პრეზიდენტმა ჯო ბაიდენმა და ევროკომისიის პრეზიდენტმა ურსულა ფონ დერ ლაიენმა ბრიუსელში გამართულ ერთობლივ პრესკონფერენციაზე განაცხადეს.
შეთანხმების თანახმად, აშშ ევროკავშირს წლის ბოლომდე მიაწვდის სულ მცირე 15 მილიარდი კუბური მეტრ საწვავს. შეთანხმების მიზანია, მომავალში ეს რაოდენობა კიდევ უფრო გაიზარდოს, დაახლოებით 50 მილიარდ კუბულ მეტრამდე.
ევროკავშირი რუსეთის უკრაინაში შეჭრის შემდეგ, ცდილობს შეამციროს რუსულ ენერგომატარებლებზე დამოკიდებულება.
ამ დროისთვის, ევროკავშირის გაზის მოთხოვნის დაახლოებით 40%-ს რუსული გაზი ფარავს.