პოლონეთის საგარეო საქმეთა სამინისტრომ ვარშავაში რუსეთის ელჩს სერგეი ანდრეევს გადასცა ნოტა 45 რუსი დიპლომატის გაძევების თაობაზე. ინფორმაციას თავად ელჩი ანდრეევი ადასტურებს.
"მივიღე ნოტა საგარეო საქმეთა სამინისტროსგან ჩვენი საელჩოს, სავაჭრო მისიის 45 თანამშრომლის გაძევების შესახებ იმ საქმიანობისთვის, რომელიც არ შეესაბამება ვენის კონვენციას", - განუცხადა ანდრეევმა ჟურნალისტებს საგარეო საქმეთა სამინისტროში ვიზიტის შემდეგ.
დიპლომატებმა პოლონეთი უნდა დატოვონ სხვადასხვა დროს, მაქსიმუმ ხუთი დღის განმავლობაში.
აღსანიშნავია, რომ ამ რაოდენობის დიპლომატების გაძევება პოლონეთისა და რუსეთის ურთიერთობების ისტორიაში ამ დრომდე არ დაფიქსირებულა.
ამავდროულად, ელჩი ანდრეევი არ გამოცხადებულა პერსონა ნონ-გრატად და ის რჩება პოლონეთში.
მანამდე პოლონური მედია იტყობინებოდა, რომ გაძევებული დიპლომატები საფრთხეს უქმნიდნენ პოლონეთის რესპუბლიკის უსაფრთხოებას და მათი საქმიანობა შეიძლება ჩაითვალოს, როგორც უცხო სახელმწიფოს სასარგებლო შპიონაჟი.
მედიის ცნობით, გასაძევებელი დიპლომატების სია პოლონეთის სპეცსამსახურებმა შეადგინეს.
