რუსეთის საგარეო საქმეთა სამინისტრომ აშშ-ის ელჩს საპროტესტო ნოტა გადასცა ვლადიმირ პუტინზე ამერიკის პრეზიდენტ ჯო ბაიდენის გამონათქვამების გამო.
რუსეთის საგარეო უწყებაში განაცხადეს, რომ "ბაიდენის გამონათქვამები ასეთი დონის სახელმწიფო მოღვაწისთვის უღირსი საქციელია და რუსეთი ამერიკის ურთიერთობას გაწყვეტის ზღვარზე აყენებს".
რუსეთის საგარეო საქმეთა სამინისტრშიო ასევე განაცხადეს, რომ რუს დიპლომატებს ვაშინგტონში მუშაობას მიზანმიმართულად ხელს უშლიან.
შეგახსენებთ, ჯო ბაიდენმა პუტინს ომის დამნაშავე უწოდა, სისხლიანი დიქტატორი და წმინდა წყლის ბოროტმოქმედი უწოდა.
ის არის "სისხლიანი დიქტატორი, წმინდა წყლის ბოროტმოქმედი, რომელიც ამორალურ ომს აწარმოებს უკრაინელი ხალხის წინააღმდეგ", - თქვა პუტინზე ბაიდენმა.
აშშ-ის პრეზიდენტის განცხადებებს კრემლი გამოეხმაურა. პრესსპიკერ პესკოვის განცხადებით, ბაიდენის გამონათქვამები მიუტევებელია.
