შეერთებული შტატები განიხილავს რუსეთის GPS-ისგან გათიშვის შესაძლებლობას, განუცხადა ჟურნალისტებს "როსკოსმოსის" აღმასრულებელმა დირექტორმა დიმიტრი როგოზინმა.
ამავე დროს, როგოზინი აღნიშნავს, რომ ასეთ შემთხვევაში, რუსეთი თავის სატელიტურ-სანავიგაციო სისტემა ГЛОНАСС-ს გამოიყენებს.
"იცით, რომ დღეს, სანქციების ფარგლებში, შეერთებული შტატები განიხილავს რუსეთის ფედერაციის GPS-ისგან გათიშვის შესაძლებლობას? შემიძლია გითხრათ, რომ განიხილება ასეთი საკითხი", - განაცხადა როგოზინმა.
როგოზინის თქმით, ამან არ უნდა გამოიწვიოს მღელვარება, რადგან "თითოეულ სმარტფონს აქვს წვდომა ასევე ГЛОНАСС სისტემაზე".
როგოზინი ირწმუნება, რომ რუსულ სისტემასაც იგივე სიზუსტე აქვს, როგორც GPS-ს.
