აშშ უკრაინას 800 მლნ დოლარის დახმარების პაკეტის ფარგლებში 100 კამიკაძე-დრონს - Switchblade-ს გადასცემს. ამის შესახებ ინფორმაციას Politico აშშ-ის კონგრესის წარმომადგენელთა პალატის რესპუბლიკელ კონგრესმენ, მაიკლ მაკკოლიზე დაყრდნობით ავრცელებს.
Switchblade არის ჭკვიანი საფრენი აპარატები, რომლებიც აღჭურვილია კამერებით, სამიზნე სისტემებით და ასაფეთქებელი ნივთიერებებით. მათი დაპროგრამება შესაძლებელია ისე, რომ ათობით მილის დაშორებით მდებარე სამიზნეები ავტომატურად გაანადგუროს.
Switchblade-ს მსოფლიოში მხოლოდ ორი ქვეყანა ფლობს.
დრონი სამიზნის გადანდგურებისას ფეთქდება, ამიტომ მას კამიკაძე შეარქვეს. ის სწრაფად დაფრინავს თურქულ უპოლოტო Bayraktar-ზე, რომელსაც უკრაინა უკვე იყენებს. დიდი ბრიტანეთი ერთადერთი ქვეყანაა მსოფლიოში, რომელსაც ამ დრონების შეძენის უფლება აქვს.
შეგახსენებთ, 16 მარტს პრეზიდენტმა ჯო ბაიდენმა განაცხადა, რომ აშშ უკრაინას საჰაერო თავდაცვის სისტემებს გადასცემს. მისივე თქმით, უკრაინაში გაიგზავნება 9 ათასი ერთეული ანტისატანკო შეიარაღება, 7 ათასი ერთეული მცირე ზომის იარაღი, მათ შორის ტყვიამფრქვევები, ყუმბარმტყორცნები და სხვადასხვა სახის საბრძოლო მასალა, მათ შორის საარტილერიო.
