ჰააგის სისხლის სამართლის საერთაშორისო სასამართლოს პროკურორი კარიმ ხანი უკვე უკრაინაში იმყოფება. ვიდეოში, რომელიც უკრაინის პრეზიდენტმა თავის ფეისბუქგვერდზე გამოაქვეყნა, კარიმ ხანი ამბობს, რომ უკრაინაში პოლონეთიდან ჩავიდა და მარიუპოლში, ასევე უკრაინის სხვადასხვა ქალაქში გადაღებული ფოტომასალა ნახა.
„ველაპარაკე დღეს ჰააგაში სისხლის სამართლის საერთაშორისო სასამართლოს მოსამართლე კარიმ ხანს. ის უკვე უკრაინაშია და შეუდგა მუშაობას. ამიტომ ყველა ოკუპანტი პასუხს აგებს უკრაინელების წინააღმდეგ ყველა სამხედრო დანაშაულზე“, – აღნიშნავს უკრაინის პრეზიდენტი.
ამ თვის დასაწყისში, სისხლის სამართლის საერთაშორისო სასამართლოს პროკურორმა დაიწყო გამოძიება უკრაინაში შესაძლო ომის, კაცობრიობის წინააღმდეგ ჩადენილ დანაშაულებსა და გენოციდზე.
