ლონდონის ელიტურ რაიონში - ბელგრეივში აქტივისტებმა დაიკავეს რუსი ოლიგარქის ოლეგ დერიპასკას 25 მლნ ფუნტის ღირებულების სასახლე.
აქტივისტები სახლში გვიან ღამით შეიჭრნენ, გამოფინეს უკრაინის დროშები და ტრანსპარანტები წარწერებით: "ეს უძრავი ქონება გათავისუფლებულია და "პუტინო, იდი ნა ხუი".
განცხადებაში აქტივისტებმა, რომლებიც საკუთარ თავს ანარქისტებად მოიხსენიებდნენ, თქვეს: "ამ სასახლის ოკუპირებით ჩვენ გვინდა სოლიდარობა გამოვხატოთ უკრაინის ხალხის მიმართ, მაგრამ ასევე რუსეთის ხალხის მიმართ, რომლებიც არასოდეს დათანხმდებიან ამ სიგიჟეს".
ოლეგ დერიპასკა ერთ-ერთია იმ შვიდ ოლიგარქს შორის, რომელთა წინააღმდეგაც დიდმა ბრიტანეთმა "სისხლში მოთხვრილი ხელებისთვის" სანქციები დააწესა.
აღნიშნული ვილა ლონდონის ერთ-ერთ ყველაზე ძვირადღირებულ სახლად არის მიჩნეული და წარმოადგენს ბრიტანეთის დედაქალაქის ერთ-ერთ ყველაზე ექსკლუზიურ მისამართს.
