უკრაინაში რუსეთის შეჭრის ფონზე, ფინეთმა, შესაძლოა, გადახედოს თავის პოლიტიკას ნატო-ში გაწევრიანების თაობაზე. ამის შესახებ ქვეყნის პრეზიდენტმა საული ნიინისტემ განაცხადა.

უკრაინაში დაწყებულმა რუსეთის აგრესიამ ფინეთის ხელისუფლება აიძულა, ახლებურად შეეხედა საერთაშორისო ურთიერთობებისა და ალიანსისთვის.

ფინეთი, რომელმაც მეოცე საუკუნეში ორჯერ გადაიტანა ომი რუსეთთან და მასთან 1, 5 ათასი კმ სიგრძის საერთო საზღვარი აქვს, დღემდე მოსკოვის მიმართ სიფრთხილეს ინარჩუნებდა. ფინელების რაოდენობა, რომელიც მხარს უჭერდა ნატოშ-ი გაწევრიანებას და აქამდე მაინც ყოყმანობდა, ბოლო ერთ თვეში გაიზარდა.

"მას შემდეგ, რაც ჩატარდება რისკებისა და ალტერნატივების ანალიზი, დადგება გადაწყვეტილების მიღების დრო... ჩვენი მომავლის საკითხის გადაწყვეტის უსაფრთხო საშუალებები გაგვაჩნია. უნდა განვიხილოთ ეს საშუალებები სიფრთხილით, გაჭიანურების გარეშე, თუმცა სიფრთხილით", - განუცხადა ჟურნალისტებს ნიინისტემ ფინეთის ჩრდილოატლანტიკურ ალიანსში გაწევრიანების საკითხთან დაკავშირებით

ამასთან, ნიინისტემ კონკრეტული ვადების დასახელებისგან თავი შეიკავა.

11 მარტს დაგეგმილია სატელეფონო საუბარი ფინეთის ლიდერსა და რუსეთის პრეზიდენტ ვლადიმირ პუტინს შორის. თუ რა საკითხებს შეეხება დაგეგმილი საუბარი, ნიინისტეს არ დაუკონკრეტებია.

ამავდროულად, ფინეთის ხელისუფლებამ განაცხადა, რომ დაწყებული აქვთ სტრატეგიული რეზერვების შევსება საგანგებო მდგომარეობის შემთხვევაში, მათ შორის საწვავისა და პირველადი მოხმარების ნივთების მარაგების.