რუსეთის პრეზიდენტის ახლო მეგობარი, გერმანიის ყოფილი კანცლერი გერჰარდ შრედერი, მოსკოვში პუტინს შეხვდება. იუწყება გამოცემა Politico.
გამოცემა სხვა დეტალებზე არ საუბრობს, მხოლოდ აღნიშნავს, რომ შრედერი პუტინთან ომის შეწყვეტის შესახებ ისაუბრებს.
შრედერმა, ადრე პუტინი უკრაინაში ომის დაწყების გამო მსუბუქად გააკრიტიკა, თუმცა განაცხადა, რომ "ორივე მხარემ შეცდომა დაუშვა". მისი თქმით, ნატო აღმოსავლეთით ძალიან გაფართოვდა ცივი ომის დასრულების შემდეგ და ამით კრემლის პროვოცირება მოახდინა.
გერმანიის საზოგადოებისა და მმართველი პარტია სოციალ-დემოკრატიული პარტიის მოწოდების მიუხედავად, რომლის წევრიც არის შრედერი, ის უკრაინაში რუსეთის ქმედებებისგან დღემდე არ დისტანცირდა. პარტიის წევრები მოითხოვენ, რომ შრედერმა დაუყოვნებლივ დატოვოს მაღალანაზღაურებადი თანამდებოები რუსეთის ენერგეტიკულ კომპანიებში.
ამასთან, გავრცელებული ინფორმაციით, გერმანიაში, შრედერის ოფისიდან თანამშრომლები წავიდნენ.
ამის გარდა, მას ფეხბურთის კლუბ „ბორუსიას“ საპატიო წევრობაც ჩამოერთვა.
