"რუსეთი არ ემუქრება ნატოს, მაგრამ არ შეუძლია, რეაგირება არ მოახდინოს ალიანსის მოსკოვის მიმართ კონფრონტაციულ კურსზე", - განაცხადა რუსეთის საგარეო საქმეთა სამინისტროს წარმომადგენელმა მარია ზახაროვამ.
„ნუ გეშინიათ, რუსეთი არასოდროს დამუქრებია ალიანსს და არც ახლა ემუქრება. ამავდროულად, რუსეთს არ შეუძლია, რეაგირება არ მოახდინოს ნატოს კონფრონტაციულ კურსზე ჩვენი ქვეყნის მიმართ", - განაცხადა ზახაროვამ ოთხშაბათს გამართულ ბრიფინგზე.
ზახაროვას განცხადებით, ნატოს აღმოსავლეთ ფლანგის გაძლიერება არის "ღია პროვოკაციული ქმედება" და "ხელს არ უწყობს ევროპის უსაფრთხოების განმტკიცებას".
"ცხადია, რუსეთის შეკავება კვლავ გახდა ბლოკის მთავარი მიზანი. ბოლო დღეებში ალიანსმა გაზარდა თავისი მრავალეროვნული ჯგუფების რაოდენობა აღმოსავლეთ ევროპაში, პატრულირებაში მონაწილე თვითმფრინავების რაოდენობა და ა.შ.", - განაცხადა ოფიციალურმა წარმომადგენელმა. დასძინა რუსეთის საგარეო საქმეთა სამინისტრომ.
